KEMBANG KERTAS

mekare reng singojuruh eman
kawitan buru ketemu
kembang kertas acum warnane
kledak kleduk ngokor lorong
nyonggo roso atine bingung

kang mekar sore wes ilang yoro
kesapu angin dalanan
kembang kertas kari duh eman
kadung wes mulo pastine
sun lan riko nono jodone

kembang-kembang kertas njaluk tulung sampekeno
isun gagas welas nyonggo roso
sepurane sepurane salah lan lupute
kembang-kembang kertas njaluk tulung gadukeno
welas batinisun yo mung riko
kembang kertas sun titipno awak kulo

ISUN LAMAREN

isun lamaren yo kakang bangur bakalan
makne seng sungkan yo kakang melaku baren
mergane riko yo kakang gampang coparan
isun di sopo lare liyo riko pringutan

isun wes seneng lan riko ugo wes seneng
ngenteni paran kesuwen dadi pikiran
timbang sisiran isun yo repot alasan
pamit wong tuwek uwele yo entek ngamek

BALEKNO

sepisan pindo sun sepuro
atinisun keroso-roso
cukup sak mene welas isun
mumpung durung kadung

gedigi rasane atinisun
riko gawe loro bingung
apuwo riko kok seng rumongso
riko ngagandeng liyo kok tego

balekno maning balekno
nong emak bapak isun
hing kuwat nyoggo
keronto-ronto rasane sesek nong dodo

wes rong ulan sun rasakaken ulah riko
isung angger dino metenggengen mikir riko

BANGUR WURUNG

ilingo mageh buru kenalan
isun ngomong terang-terangan
dung isun wes duwe bakalan
tapi rikone kang ngajak kawinan

kebimbang isun katut omongan
wani ninggal hang wes karuan
ngaboti riko hang sun sayang
mergo welase jare temenan

apuwo riko saiki bimbang
katek ngapus hang sing karuan
kok tego gawe jalaran
isun rumongso riko kliwatan

eleko isun nduweni iman
mageh wutuh mageh perawan
banguro yo wurung kawinan
timbang di gawe loro omongan

ANGEN-ANGEN

hang isun angen mung rupane
hang isun angen mandaneo ono reng kene
hang isun angen mung tekane
hang isun angen ono dalan ketemune
keloronan bebarengan sun lan riko sesandingan

sun arep-arepaken tekan riko raino lan bengi
koyo panas ngerandu udan mesti hang biso ngademi
sun impekno kahuripan hang agung indah nggowo senenge
sun lan riko lungguh kuwade
gandane kembang hang dadi saksine

kepengen ati nyawang riko
kepengen ati selawase dampingono
kepengen ati yo rasane
kepengen ati nyawang riko selawase
keloronan bebarengan sun lan riko sesandingan

MAJU MUNDUR

seng ngiro isun yo seng ngiro
pungkasane isun demen riko
masiyo iyo wes isun lalekaken
atinisun seng keneng di begal

seng nyongko isun yo seng nyongko
kadung riko pisan demen isun
masiyo riko yo wes weruh lan jelas
kadung isun wes duwe gandengan

mulo abot sanggane kadung arep ketemu
mergo wedi nong hang siji
kadung kangen temenan mung biso telepon
kirim lagu lewat radio

arep mundur nanggung arep maju gantung
pikir bolak balik seng ketemu
biso biso isun bingung seng karuan
ngalor ngidul salah kesasar-sasar

ya duh gusti wenono dalan hang padhang

BANTALAN SEPI

semendal rasane ati
enget riko seng biso lali
dunyo katone sepi
seng ono demen kabeh koyo mati

seng eleng waktu bengene
janji welas orep dadi siji
wis kadung isun belani
kari-kari riko ngeloro ati

senengene ati riko
nyanding bareng ambi lare liyo
sun eleng sun reng kene
orep dewekan rasane sepi

ANCUR LEBUR

ancur lebur ancur lebur rasane ati
sun tahan-tahan yo seng kuwat kepengen mati
tatune ati yo mung riko kang nambani
eman eman yaduh paman aju kelendi

aduh nasib apuwo kari gedigi
kelendi maning yo wis kadung isun lakoni
tatune ati biso ngomong bakal cerito
kang sun njaluk mugo-mugo riko ilingo

TATU

durung asat banyu moto iki
ngembung eloh raino lan bengi
riko gawe maning loro ati
tatune ati sun durung mari
sun kari dipiloro
urip koyo seng gandolan nyowo
timbang isun gedigi
mati ono kang isun aboti

gering awak isun sing kurang mangan
tapi bingung pikiran ngelayung
sampek kapan sun urip gedigi
seng hono kang sun sambati

tatune ati

keseron riko ngeloro ati
mentolo batin sun nelongso
kadung bengen isun weroh gedigi
seng arep isun munggah rabi
serto saiki sun lakoni
rasane koyo reng njeru geni
urip koyo kepingin mati
mbakne riko lego maruh ati

GUGAT NANG SOPO

kali wis ilang kedunge
pasar nono kumandange
gemericike banyu sing ono asate
sepi koyo ati iki

semendal rasane ati
riko kok sampek ati
meneng-meneng mentolo
riko ninggal isun
tego melaku solong

isun mulo nyejo teko
reng surupe penganten riko
kepengen nyawang sedelo baen
rupan riko kanggo hang pungkasan

takdir nggowo impen nyoto
pisahe isun lan riko
saktemene batin iki
seng biso nerimo
tapi nggugat nang sopo

NGELALI

bengi iki isun ngengeti
ngengeti riko hang wis ngelali
sun pageri lan sun rumati
dung wis mekar riko ngelali

mung gitar iki hang dadi saksi
urip bebarengan selawase
ulan lan lintang nong duwuran
podo ngajaki gendingan

tetese banyu moto sun iki
kadung sun ngenget-ngengeti
duh gusti nopo ndiko gawe urip isun gedigi

isun wis seng percoyo
ambi omongan riko
bengen ngumbar suworo
isun riko gawe loro
isun wis seng percoyo

NYIDEM WELAS

nelongsone awak iki
riko gawe ngeloro ati
sing kuat nyonggo larane batin
batin nangis sampek mbeseseken

isun getun demen nong riko
omonge sing ono wong liyo
jare lahir batin welas temenan
nyatane riko nduwe simpenan

loro batin isun
sampek isun sing kuat rasakaken
isun demen riko sing ngereken
nyidem welas sampek batin kepikiran

NYEBAR KANGEN

nyebar kangen kari nggoloro ati
hang sun angen tibane wis rabi

dang ngudang ngudang kembange ati
hang sun kudang gawe larane ati

koyo sing sanggup sun nyonggo
koyo sing sanggup sun rasakno
nong ati koyo sing nerimo
demenan rabi ambi wong liyo

NGGELIBET

mageh tah biso
nggandeng maning ambi riko
kariyo mentolo
ninggalaken isun paran sebape
sun iling-iling paran omonge
jare bareng selawase

niat sun ngelalekaken
cumpune kangelan soyo ngereken
meneng riko isun demen
mung cukup nong angen2

emboh keneng paran
soyo nggelibet yoro dadi pikiran
nong welase hang sun eman

MENDEM ROSO

nong angin isun titipaken
gedene roso angen-angen
nong welase hang sun karepaken
nawi baen ono roso demen

lawas isun mendem roso
roso asih kanggo riko

opo tah oseng rumongso
dung ati demen nong riko
kari seru uliye nggudo
koyo sing ono wong liyo

KEPINGIN BALIK MANING

ucap omong riko mulo nyendal nggugah ati
biso nggawe angenan reng wengi
riko ngilingaken sedurunge kedadean
munggo kelendi isun dadi paran
isun katut omong rayuan
kepincut manise omongan
lare liyo setan belang

bengen sing percoyo awak isun yo nang riko
mergo isun mageh golek bandingan
nawi ono maning wong lanang kang sugeh dunyo
dino mburi keneng sun nggo sendenan
untunge yo durung kelakon
awak isun sampek di boyong
yo tibane mung gede omong

isun njaluk sepuro nang riko duh kakang
atin riko sun gawe loro
kang sun njaluk riko
ojo sampek ngersulo
soal bengen yo lalekeno
isun saiki kepengen balik maning
tapi yo kelendi isun isin
yo kadung riko mageh gelem sediyo
isun wis paran jare riko